ريم : اووك . انا موافقة عشان انتي كمان وحشاني
جداااا
_____________________________________________________
ندي
: وحشتيني يا بت انتي.. مع اني مش طيقاكي عشان مش بتسالي
ريم
: والله غصب عني يا نودي اصل ملك كانت تعبت كدة كام مرة ورا بعض
وكنت
مشغولة معاها جدا..
ندي
: الف سلامة علي ملوكة ,, خلاص يا ستي هعديها المرة دي
ريم
: الله يسلمك يا قمر ,, ها طمنيني حددتو الفرح ولا لسة؟؟
ندي
:لسة والله,, الشقة لسة فيها حاجات ماخلصتش...سيبك
مني
انا .. بصراحة انا عاوزة اكلمك في موضوع كدة
ريم
: خير يا نودي؟؟
ندي
: عارفة طارق زميلنا في البنك انا وحسام ؟؟
ريم
: طارق ؟؟ لاء مش واخدة بالي ؟؟ انهي واحد؟؟
ندي
: يابت ركزي . طارق الاسمراني الطويل دة اللي صورتة مع حسام ع الفيس
ريم
: مش فاكرة برضة ,, ماله يعني ؟؟
ندي
: احم بصراحة هوة معجب بيكي وعاوز يتقدملك
ريم
: هههههههههههههههههههه نعم ؟؟ وشافني فين بقي
ندي
: يوم كتب كتابنا في البيت عندي
ريم
: جواز اية لاء طبعا مش ممكن اجيب لملك جوز ام ,, وبعدين
تلاقية
مش عارف عني حاجة
ندي
: عارف كل حاجة ومرتاحلك جدا وعاوز يتقدم رسمي
ريم
: لاء صعب قوي
ندي
: متقفليهاش بقي شوفية وخلاص يمكن يعجبك
ريم
: هههههههههههه اية الخيال العلمي دة يا ربي
بقي
ندي هانم المزة بتاع الشلة بتقنعني بجوازة صالونات؟؟!!
ندي:
صالونات اييييية يا بنتي. انتي حوله ؟؟
بقوللك
شافك وهيتجنن عليكي ,, شوفية ياستي مش هتخسري حاجة
ريم
: ماشي امري لله هقول لبابا وابلغك بالمعاد
معقول
بعد كل اللي "ريم" شافته مع "وليد" يرجع قلبها يتفتح تاني
وتبتدي من جديد وتعمل حياة جديدة؟؟
اهي
هتجرب ومش هتخسر حاجة. علي راي "ندي" ...
حددت
معاد مع باباها وعرفت "ندي"...وفي المعاد جة "طارق" ....
ولما
"ريم" شافتة حست براحة غريبة وحست انها شايفة حد تعرفة واتعاملت معاه
قبل كدة..سبحان مؤلف
القلوب
فعلا ... هية مبدئيا حاسة انها مرتاحة وهتدي لنفسها فرصة تفكر وهتقعد معاه اكتر من
مرة...
ويمكن توافق..لية لاء؟؟ مش بيقولو دوام الحال من المحال J
بعد
مقابلتها الاخيرة مع "خالد"
وكلامهم " ليلي" كانت
حاسة انها مخنوقة ومحتارة ....ومش عارفة
تعمل
اية؟؟ جواها صراع مابين حبها
ل"خالد" ومابين عدم ثقتها فية وخوفها انه يتخلي عنها..مليون احساس
ومليون فكرة جواها وكلهم ضد بعض .. حب علي غضب علي اشتياق علي خوف علي قلق...
لية
قالتلو انها هترجع لخطيبها؟؟ رغم انها مش هاترجعلة؟؟ ....
يمكن
عشان يتوجع..ويحس بإحساسها لما خطب واتجوز...؟؟ ولا عشان تبعده عنها ومتديلوش فرصة
يرجع
تاني؟؟.... كانت بتهرب من كل حاجة حتي من نفسها....
وفي
يوم كانت راجعة من النبطشية الصبح بدري الساعة 7 الصبح ,,لقت نفسها مخنوقة
فقالت
تتمشي شوية بالعربية في مكان فاضي وتشم هوا الصبح...عمرها في حياتها ما عملت
الحركة
دي...بس لقت نفسها لا اراديا طلعت علي الطريق والدنيا فاضية..والطريق فاضي
ومن
غير ماتحس كانت سايقة بسرعة وسرحانة....وفجأة طلعتلها عربية نقل كبيرة ..وفغمضة
عين كانت الحادثة حصلت....والدنيا ضلمت ومحستش
باي حاجة....
هند : اية الاخبار
الدكتور
: ركبنالها شرايح في دراعها ورجليها ,,وان شاء الله تبقي كويسة
بس
لازم تبات في العناية ع الاقل يومين لان الحالة مش مستقرة ..
ندي
: انا خايفة ياهند L "ليلي" لو
حصللها حاجة بعد الشر انا ممكن اموت
هند
: حرام عليكي يا ندي متقوليش كدة ..ان شاء الله ليلي هترجعلنا وهتبقي
زي
الفل ..وبعدين امسكي نفسك شوية عشان باباها ومامتها اللي بيموتو برة دول L
ندي
: هحاول...
ريم
: هند,,ممكن تكلمي "خالد" تقوليله ؟؟ لازم يعرف
هند
: انا فعلا كنت هتصل بية,, ممكن تكون محتاجاله جمبها ..
يااااااارب
اشفيها واحميها ورجعهالنا يارب...
ندي
: كلمية ياهند ,,
هند
: حاضر ....
((صوت
جرس ))
خالد
: الو
هند
: ازيك ياخالد
خالد
: الحمد لله ازيك ياهند
هند
: خالد ,, فية حاجة عاوزة اقوللك عليها
بس
ياريت تمسك اعصابك..
خالد
: فية اية ياهند قلقتنيني
هند
: ليلي عملت حادثة النهاردة الصبح
خالد
: اييييية مش ممكن . طب انتو فين وهية عاملة اية؟؟ انا
نزل
من بيتة يجري وانهار من العياط وهوة في الطريق لدرجة ان هوة كمان كان قرب يعمل كزا
حادثة..ومحسش بنفسة الا لما وصل المستشفي واتصل بهند وعرف مكانهم بالظبط...ولما
عرف ان
ليلي في العناية وحالتها مش قوي..اتمني انه يموت ولا
ان شعرة منها تتاذي...وحس ان روحة بتتسحب
منة...واتمني
ان يكون اللي بيحصل دة كابوس,,,او مقلب رخم من المقالب اللي كانت "هند"
بتحب تعملها زمان ايام الكلية...بس للاسف مش كل حاجه بنتمناها بتحصل....
خالد
: اية اللي حصل ياجماعة واية حالتها دلوقتي
انا
عاوز اشوف الدكتور اللي متابع الحالة واطمن..
هند
: عربية نقل كبيرة دخلت في عربيتها..وعندها كسور كتير
وركبت
كزا شريحة .. بس الدكتور حابب يطمن اكتر عشان كدة هتبات يومين
في
العناية وبعدين تتنقل اوضه عادية...
خالد
: عاوز اشوفها ياهند...
هند
: انت عارف ياخالد مينفعش تدخل العناية..
خالد
: ايوة دة لو انا حد عادي . لكن انا برضة دكتور
ولازم افضل جمبها..انا لازم اتكلم مع الناس
المسئولة هنا...
وبعد
محاولات كتيرة قدر "خالد" فعلا يدخل العناية بعد ما استاذن من الدكتور
اللي متابع الحالة..
اول
ماشافها..مقدرش يمسك دموعة...لقي نفسة بيمسك ايديها اللي مفيهاش كانيولا .. باس
ايدها
ومسكها
جامد .. وفضل يقولها "" اوعي تسيبيني ياليلي,,انا عارف انك
سمعاني..اجمدي ياحبيبتي,,
خليكي
معايا..مش هسيبك ابدا..بس انتي ارجعيلي..والله ماهسيبك تاني ..انا عارف انك
سمعاني""
فضل
اكتر من نص ساعه يعيط جمبها ويتكلم معاها وبعدين
حس
بإيد بتطبطب علي كتفة بص وراه لقي دكتور العناية...
الدكتور
: دكتور خالد كفاية كدة بعد اذنك,,
خالد
: من فضلك يادكتور انا لازم افضل جمبها
الدكتور
: مينفعش يادكتور تفضل هنا,,حضرتك
ممكن
تبقي تتفضل بليل وهخليك تشوفها وتتطمن عليها
خالد
: ايوة بس أأأأ...
الدكتور
: متقلقش يادكتور خالد ان شاء الله هتبقي كويسة ومتهيألي
حضرتك
عارف الحالة بالظبط وان شاء الله مفيش حاجة تقلق
خالد
: ياااااارب
الدكتور
: اتفضل دلوقتي حضرتك بعد اذنك ومتقلقش
هند
: خاالد اية الاخبار
خالد
: زي ماهية ياهند الحالة مستقرة..بس دة
ميمنعش
اني
بموت عشانها
هند
: بتحبها لسة ياخالد ؟؟
خالد
: انتي شايفة اية..
هند
: شايفة انك لسة بتحبها ومنسيتهاش ابدا
بس
لازم تعرف ياخالد ان مينفعش تتخلي عنها تاني...
خالد
: انا متخليتش عنها ياهند . الظروف كلها وقفت
ضدي
وكل حاجة كانت قدامك...
هند
: الموضوع كان صعب ياخالد وانت صحيح حاولت وتعبت مش هنكر
بس
برضة مكنش مستحيل ,, وانت غلطت لما روحت
اتجوزت مي
عشان
تنسي ليلي.. اخترت الحل الاسهل وكسرتها.. وكسرتها اكتر لما اقنعتها انك هترجعلها
تاني وانك هتسيب مي وتفسخ الخطوبة بس لما مي بقي هددتك انها هتنتحر ورفضت تسيبك و
اهلك كمان وقفو قصادك وقالولك انك حتي لو سيبت مي جوازك من ليلي مستحيل برضة
موقفتش قصادهم ومخدتش موقف وكسرت ليلي تاني واتخليت عنها وكأن وجعها هوة اسهل
الحلول عندك .. حتي لما حصل الطلاق بينكو انت برضة استنيت مي تاخد الخطوة الاولي
وتيجي منها وتطلب منك انها تتطلق .. انا
طبعا مش قصدي اني كنت عاوزاك تطلق مي بس قصدي ان تغيير الموقف دة نصيب مش اكتر
وانت معملتش فية حاجة .. بس ياريت تعتبره علامه من ربنا ياخالد وتفهم الرساله كويس
اللي ربنا بيبعتهالك .. وانه اداك درس عشان تعرف قيمة ليلي عندك قد اية وحياتك من
غيرها كانت ازاي ودة يخليك تتمسك بيها اكتر وتعمل مش الممكن بس لاء تعمل اكتر من
المستحيل عشان متضيعهاش منك تاني ..عموما مش وقتة اهم حاجة دلوقتي ان ليلي
تقوم
بالسلامة...
خالد
: انا مش هضيعها مني تاني ياهند ,, وبجد ربنا يعلم انا كنت عايش من غيرها ازاي
وربنا عالم برضة اني مقصرتش وحاولت كتير اكتر مما تتخيلو..بس معلش انا اخدت درس
حياتي واني لايمكن بعد كدة اجي علي نفسي ولا علي الانسانة اللي محبيتش غيرها عشان
كلام ناس محدش فيهم عاش مكاني ولا تاه واتعذب مكاني.. ومهما يحصل بعد كدة لايمكن
اسمح لنفسي اني اضيعها مني ابدا... بس خطيبها اللي
رجعتلو
دة هتعمل معاه اية وبعدين هوة فين كدة مش باين؟؟
هند
: هية مارجعتلوش اصلا ولا هترجعلو ياخالد
خالد
: بجد ؟؟ طب لية قالتلي كدة
هند
: عشان تبعد عنها لانها خايفة تصدقك ..
خالد
: للدرجة دي ...
هند
: ايوة طبعا !!
خالد
: عموما مش هنتكلم في اللي فات . اهم حاجة
انها تقوم بالسلامة
ترجعلي تكرهني تسامحني براحتها ..المهم ربنا
يشفيها .
فات
يومين علي ما ليلي طلعت من العناية واتنقلت اوضة عادية...وفي اليومين دول
"خالد" مكنش بيسيبها تقريبا ولما بصتلة كانت اول كلمة قالهالها "وحشتيييني"
ليلي
: ......................
خالد
:حمد الله علي سلامتك يا حبيبتي
ليلي
: الله يسلمك
خالد
: عارفة , انا عارف اني بحبك قوي وانتي عارفة كدة...بس
بجد
يا ليلي مكنتش اعرف اني بحبك للدرجة دي...انا كنت بموت
كان
نفسي اكون مكانك واحس واتألم واتعب مكانك...وانتي متتألميش
ثانية
واحدة...
ليلي
:.. انا كويسة الحمد لله بس مضايقة
من
الجبس جدا لاني مش متعودة ع الحبسة دي
خالد
: معلش ان شاء الله الايام تفوت بسرعة ونشيل الجبس والحاجات دي
كلها...
ليلي
: يارب ,, شكرا علي كل حاجة انت تعبت معايا قوي
خالد
: انتي بتقولي اية بس .. فية حد يشكر نفسة ؟؟
ليلي
: خايفة اصدقك...
خالد
: مش هتندمي ياليلي
ليلي: مش وقت الكلام دة ياخالد ,, انا تعبانة
وبعد
3 شهور.... كانت "ليلي" خفت وبقت كويسة ورجعت لحياتها وشغلها تاني ...بس
خايفة ترجع لخالد
رغم
وقفتة معاها طول الفترة اللي تعبت فيها .. الا انها لسة برضة خايفة
وقلقانة...وخايفة يحصل زي ماحصل قبل كدة..رغم ان وقفتة جمبها رفعت اسهمة عند اهلها
جدا,,اما بالنسبة لاهلة فقررو يعتبرو "ليلي" امر واقع..
رغم محاولاتهم مع "مي " انها ترجع
لخالد ,,,لكن "مي " كانت اتخطبت ودة خلاهم يفقدو الأمل في الموضوع.....
واخيرا
جة يوم فرح "ندي " و "حسام " اللي كان الكل مستنية...في
الحقيقة هوة مكانش فرح ندي لوحدها
هوة
كان فرح الاربع بنات... اللي كانت فرحتهم بندي وهية في الفستان الابيض
متتوصفش...كالعادة كانت زي القمر..وشبة الاميرات...ولما لاقوها داخلة من باب
القاعة .. عيونهم دمعت من فرحتهم بيها...واخيرا الفرحة
دخلت
قلوبهم اللي تعبت وشافت كتييييييير ...
"ريم"
اتخطبت ل"طارق" اللي كل يوم بيخليها تتأكد ان ربنا عوضها بية عن كل
العذاب اللي شافتة,,
وعاهدت
نفسها انها لازم تكون مراتة وحبيبتة اللي تعوضة عن الغدر والخيانة اللي عاني منها
زمان...
"هند"
طول عمرها مؤمنة ان السعادة مش شرط تكون "راجل" موجود في حياتها..ممكن
تكون السعادة هية ابنها,,واصحابها ,,واخوها,,وشغلها اللي بتثبت وجودها فية كل يوم
وابتدي اسمها يكبر وتبقي دكتورة ناجحة وليها اسم...
"ليلي"
اتفقت مع "خالد" انة يصبر عليها يمكن الوقت يداوي جرحة ليها,,,صحيح
بتحبة بس مش قادرة لسه
ترجعلة
ولا تسامحة...بس هل ياتري زي مالوقت
مخلاهاش تنسي حبها لية وتفضل تحبة طول المدة دي..ياتري هيقدر يخليها تنسي جرحة ليها؟؟......ولا مش هتقدر تتخطي اللي حصل ؟؟ ليلي نفسها معندهاش اجابة علي
السؤال دة .. ومحدش عارف..لأن دة سؤال
اجابتة الوحيدة في إيد الزمن......لأن مفيش حاجة مؤكدة بنسبة 100%.....ومفيش مشاعر
مستمرة طول العمر لاحب ولا كره ولا فرح ولا زعل..ومفيش حد يقدر يحدد مشاعرة بكرة
هتبقي اية...ممكن اللي تحبة النهردة تكرهه بكرة وممكن برضة اللي كنت بتكرهه
النهاردة
تحبة بكرة..وممكن اللي كنت بتسامحة لابعد حد متقدرش تسامحة ولا تقدر تنسي جرحة ليك..وبرضة
ممكن
تلاقي نفسك سامحتة من غير مقدمات ..وممكن تلاقي نفسك نسيتة اصلا لاسامحتة ولا حتي
زعلان منه
لان
مشاعرك ناحيتة انتهت ومبقاش ليها أي وجود....واسئلة محتملة كتير بس الوحيد اللي
يقدر يحدد اجاباتها
هوة
الوقت...........
-------------------تمت بحمد
الله--------------------------------------
