لأول
مرة من سنتين "مي" تكرة ضعفها قدام "خالد" وتواجة نفسها
بالحقيقة من غير كدب .. الحقيقة ان "خالد" عمرة ماحبها..وانة حتي يوم
لما قرر ينسي "ليلي" ويحاول يحب تاني فضل عليها "منال" اللي
بتشتغل عنده !!! زي ما بيتقاللها في الكلام اللي بيوصلها ...مبقتش عارفة مين ظلم
مين اكتر...ياتري هوة ظلمها اكتر لما اتقدملها وخطبها وهوة بيحب غيرها؟؟ ولا هية
ظلمت نفسها اكتر بقبولها لكل حاجة منة واصرارها انها تكمل معاه رغم انة حاول
يسيبها
وهما
مخطوبين ويرجع ل "ليلي" ؟؟!!
الكلام
عن علاقتو بمنال زاد قوي الفترة الاخيرة ,,وبقي بيوصلها من كل الناس تقريبا اللي
تعرفهم..ووصل لمكان شغلها والموضوع فعلا زاد لدرجة تجرح كرامتها هية شخصيا..بس اية
الجديد؟؟ ماهية طول الوقت موافقة ان كرامتها
تنجرح...من اول ما ارتبطت بية وهية متقبلة كل حاجة بيعملها ...
اهماله
ليها,,بعده عنها,, حججة ومبرراتة انة بيشتغل ومش فاضي.... الحزن اللي باين علية
معظم الوقت حتي وهوة بيهزر..اصرارة انة مايعملش فرح .. ورغم اعتراضها هية واهلها
في الاول علي الفكرة بس في الاخر وافقوا..صحيح متقدرش تنكر انة بيعاملها باحترام
وبيخاف عليها وانة ساعات بيحاول يعوضها...بس برضة عمرها ماحست ان أي حاجة بيعملها
بتكون
طالعة
من قلبة...دايما حاسة انة بيقضي واجب او بيتصرف زي المفروض ما يتصرف....صحيح
جوازهم يادوب كمل سنة ..بس فية حاجز بينهم كل يوم بيزيد....ومهما تعمل عشان يحس
بيها برضة مش بيوصللها
منة
أي احساس...ومش من دلوقتي بس لاء من اول يوم خطبها فية وهوة كدة بس هية برضة كانت
بتقنع نفسها باي حاجة وخلاص وكانت بتصدق نفسها....مهما عمل كانت بتلاقي مبرر ورغم
كل حاجة حصلت كانت
تخلي
أي واحدة مكانها تنهي خطوبتها بية هية بقي صممت تكمل بغض النظر عن أي حاجة وبغض
النظر عن
مشاعرة
ناحيتها..كانت عاوزاة ليها ومعاها وبس...صحيح بقي معاها طول الوقت ...بس عمرة
ماكان ليها
وهية
عارفة بس بتعاند نفسها...بس بعد سنتين من الصمت وبعد الكلام اللي بيوصلها مازاد عن الحد...قررت تواجهه يمكن تفهم وترتاح....رغم
ان "مي" شخصية مش بتاخد موقف ولا بتحب المواجهات لكنها قررت ان هوة دة
الحل الوحيد....قررت تفتح معاه الموضوع لما يرجع بليل من شغله...
خالد
: ازيك يا مي؟؟ انتي لسة صاحية لدلوقتي لية؟؟
مي
: مستنياك...حمدالله ع السلامة
خالد
: الله يسلمك يا قمر
مي
: خالد لو سمحت عاوزة اتكلم معاك في موضوع مهم
خالد
: طب ممكن بعدين لاني تعبان جدااا وهموت وانام
مي
: لاء معلش دلوقتي ياخالد لو سمحت
خالد
: خير يا مي اتفضلي..
مي
: بتحبني ياخالد ؟؟
خالد
: نعم ؟؟ هوة دة الموضوع المهم ,, والنبي بطلي هبل
مي
: رد عليا ياخالد لو سمحت
خالد
: فية اية مالك؟؟
مي
: فية اني زهقت وتعبت
خالد
: زهقتي من اية؟؟
مي
: من كل حاجة
خالد
: لاء دانتي فاضية بقي وجاية تفوقي عليا اخر الليل
مي
: اية اللي بينك وبين منال؟؟
خالد
: بيني وبين مين ؟؟
مي
: انت سمعت كويس
خالد
: والمصحف مجنونة
مي
: والله ؟؟ وبالنسبة للكلام اللي بيوصلني كل يوم ويحرق دمي دة اية
خالد
: اديكي قولتيها "كلااااااااااااااااام"
مي
: اثبتلي انة كلام غلط
خالد
: وانتي هاتيلي دليل انة صح !!!
مي
: ماهو مفيش كلام بيطلع من غير سبب ,,وانا بقالي كتير شايلة فقلبي
وساكتة..تقدر
تقوللي اسلوبها معاك وهزاركو الover دة معناة اية؟؟ لدرجة انها ساعات
بتقوللك
خالد كدة عادي من غير القاب ..بلاش .. تقدر تقوللي برضة نقلتها معاك المستشفي
لية
؟؟ دي بتشوفك اكتر مني انا شخصيا يا اخي .. طب بترفض لية كل العرسان اللي
بيتقدمولها
من
غير سبب الا اذا كانت مرتبطة ؟؟ ولا كلامها ع الفيس اللي كله عذاب وتلقيح كلام
انها
بتتنيل بتحب واحد فية في حياتة حد تاني...تقدر تفسرلي كل دة ياخالد؟؟
خالد
: التفسير الوحيد انك مش واثقة فنفسك يا هانم
مي
: دة ردك ؟؟
خالد
: ايوة يامي دة ردي..
وبصراحة
بقي انا اتخنقت كل شوية فتحالي حوار جديد ,, ماصدقنا نخلص
من
سيرة "ليلي" دخلتينا فحوار "منال" ...لازم تفهمي يا دكتورة ان
منال دي
تعتبر
دراعي اليمين زي مابيقولو ماسكة كل شغلي ومواعيدي تقريبا وبصراحة
البنت
شاطرة وشايفة شغلها كويس وبحكم انها معايا طول الوقت اخدت عليها اية المشكلة
يعني؟؟!
وطبعا
فية ناس فاضية موارهمش الا انهم يطلعو كلام وخلاص .. وانا بقي معنديش وقت للكلام
ولا
مستعد اتكلم ولا اجادل في حوار عقيم زي دة..فهمتي ولا اعيد تاني
يا"ليلي" ؟؟!!
مي : نعم؟؟ قلت اية "ليلي"؟؟!!!! مش
ممكن بجد
انت
اية ؟؟ مفيش فايدة فيك ؟؟ ياخي حرام عليك بقي انت لسة بتفكر فيها؟؟
طب
اعمللك اية بس عشان تنساها,,لما انت بتحبها قوي كدة اتجوزتني ليييييييييية
خالد : انا اسف يامي .. دى غلطة لسان بجد
متزعليش
مي
: غلطة لسان لان كل عقلك وتفكيرك معاها .. انت عمرك ماحبيت حد الا هيا
قولي
بحبك وانا هصدقك والله العظيم هصدقك,,بس انا عارفة انك مش هتقولها لانك
عمرك
ماحسيتها...بتحبني ياخالد؟؟
خالد
: اهدي يامي..انتي انسانة فعلا ماشوفتش زيك ودايما مستحملاني و مهما اعمل بتحرجيني
بزوقك
واحترامك وعمرك مازعلتي مني و ..............
مي
: بتحبني ولا لاء ياخالد ؟؟
خالد:
.............................
مي
: شوفت انها صعبة قوي وانك حتي مش قادر تقولها تمثيل
خالد
: اهدي بس ونتكلم بعدين...
مي
: طلقني ياخالد..
خالد
: انتي بتقولي اية ؟؟!!!!!!!!!!
مي
: اللي سمعتة بقوللك طلقني,,انا صحيح
عيشت
معاك سنة خطوبة وسنة جواز من غير كرامة بس خلاص...
انا
تعبت وعشان ارتاح لازم ابعد عنك..يمكن حبي ليك كان اناني بس غصب
عني
انا حبيتك بجد ,, بس احسن حل لينا احنا الاتنين هوة الطلاق ..لانك خنتني بقلبك
وعقلك
اللي
مع "ليلي" و بموضوعك مع "منال" اللي علي كل لسان تقريبا وبجد
مبقتش قادرة استحمل
لكن
قبل ماالومك انا لازم الوم نفسي لاني انا اللي عملت في نفسي كدة....اول مرة اندم
اني مسمعتش كلامك
ووافقت
اني اسيبك ايام الخطوبة .. واندم اني اتمسكت بيك ورفضت اخليك تسيبني لما عرفت انك
بتحاول ترجع لليلي...بس كل شيء بأوان ياخالد وبجد كفاية لحد كدة..
_____________________________________________________________________
_____________________________________________________________________
لاول
مرة خالد يتفاجيء من رد فعل مي.. بقي معقولة تطلب الطلاق ؟؟ بينة وبين نفسة كان
بيتمني انها
تيجي
منها عشان ميحسش انة ظلمها اكتر من كدة,,اتمني كتير انها تيجي منها وتسيبة وتنهي
خطوبتهم
لكن
محصلش وكان تمسكها بية مش طبيعي بشكل فاجئة هوة شخصيا وزود تأنيب ضميرة من ناحيتها
وخلاه
يتراجع عن قرار فسخ الخطوبة !!! وبعد ماكان بلغ "ليلي" بقرارة دة وأكد
لها ان وجود "مي"
معاه مسالة وقت مش اكتر ,,في موجة احباط وياس فقد
الامل وغير كل حاجة وقرر ان مفيش فايدة وان
جوازة
من "ليلي" مستحيل حتي لو ساب "مي",,,وبما انة مش هيحب لا
"مي" ولا غيرها ولا هيعرف اساسا يحب حد غير "ليلي" اللي من
رابع المستحيلات تكون مراتة الا لو خسر اهلة للابد وهية كمان خسرت اهلها ,,,قرر
انة يكمل مع "مي" ويعيش وخلاص ايا كانت العيشة اللي هيعيشها....وقرر
لتاني مرة يتخلي
عن
"ليلي" بسبب الظروف...من وجهة نظرة هوة متخلاش عنها !!! هوة حاول كتير وتعب مع اهلة جدا وكان قرب فعلا
يخسرهم وكانت كل حاجة واقفة ضدة للاسف عشان كدة كان شايف ان دة الحل الوحيد....وان
دة
النصيب واختيار ربنا اللي لازم نرضي بية...
كان
طول الوقت شايف انة ظلم "مي" وانة اتظلم زي "ليلي" بسبب
الظروف...لكن "ليلي" كانت موجوعة
ومجروحة
وشايفاه زهق بسرعة ومحاربش كفاية عشان يكونو مع بعض....منقدرش نقول مين صح ومين
غلط لكن اللي نقدر نقولة ان ارتباطة بمي كان غلط من الاول والغلط الاكبر انها صممت
تستمر رغم كل حاجة ورغم انها عارفة "ليلي" كانت ومازالت اية عند
"خالد"....ورغم كدة صدقت كلامة ان ليلي موضوع انتهي
وبقي
من الماضي واقنعت نفسها بكدة.....وبقو couple شكلة حلو قوي قدام الناس لكن حياتهم باردة
ومفيهاش مشاعر ولا دفا .....بس كل اللي نقدر نقولة ان
في حاله "خالد" و "مي"
التعاسة كانت قرار واختيار ومكانتش قدر.........وكل واحد مسئول عن اختياراتة ولازم
يدفع تمنها مهما كانت....
" انتي عرفتي ان خالد
حلمي طلق مراتة؟؟ " جملة سمعتها
"ليلي" وهية بتنيم حاله قيصرية لدكتور زميلهم اسمة "عمرو" ولأنها حست ان "عمرو " قاصد يوصللها
الخبر هية بالتحديد .. مبينتش أي اهتمام ولا أي رد فعل وكل اللي قالتة ان "
الجواز قسمة ونصيب ,, ويمكن يرجعو لبعض تاني" رد
"عمرو" وقال ((الله اعلم)) ...
ولما حاول يتكلم ويدخل في تفاصيل اكتر .. راحت "ليلي" مغيرة الموضوع
وخلصت شغلها ومشيت بسرعة....
مكانتش
فرحانة ولا حست بتغيير يعني ان "خالد" بقي حر زيها ولا حست ان عندها أمل
انهم ممكن يرجعو لبعض,,رغم انها لسة بتحبة .. بس الثقة اللي كانت فية ضاعت وصعب
قوي حاجة ترجعها....كانت متوقعة
وحاسة
ان "خالد" اكيد هيكلمها وهيحاول يشوفها الفترة اللي جاية ,,وقد كان.....
اتصل بيها اكتر من مرة لكن هية ماردتش...و ف يوم
لقتة مستنيها مكان ما بتركن عربيتها الصبح وهية رايحه المستشفي.....
خالد
: صباح الخير . ازيك يا ليلي
ليلي
: الحمد لله كويسة
خالد
: ممكن اتكلم معاكي شوية
ليلي
: اتفضل ياخالد,, خير؟؟
خالد
: انا بتصل بيكي بقالي كلم يوم ,, مش بتردي عليا لية؟؟
ليلي:
معلش كنت ببقي في العمليات ومش سامعة الموبيل وبخلص
متاخر
وبروح انام علطول,,سوري
خالد
: ولا يهمك ,, انتي عرفتي ان انا ومي اتطلقنا ؟؟
ليلي
: ايوة . عمرو الجندي قاللي .
خالد
: انا خلاص يا ليلي مش هقدر ابعد عنك تاني , انا زعلتك كتير ووجعتك كتير
وظلمت
نفسي وظلمتك وظلمت مي .. بس والله الظروف جت كدة انا مقصدتش اجرح
أي
حد فينا..انا حسبتها غلط .
ليلي
: انا سمعت الكلام دة من سنة ونص .. فاكر ؟؟
ولا
تحب افكرك,,ولا اقوللك مش لازم انت اكيد مش ناسي,,وبعدين
حضرتك
فاكرني استبن يعني ولا حاجة موجودة هترجع تلاقيني فمكاني زي مانا؟؟
خالد
: اديني فرصة يا ليلي المرة دي مش زي المرة اللي فاتت
ليلي
: واهلك واهلي هنعمل معاهم اية؟؟
خالد
: انا مش هسكت الا لما احل الموضوع . مش هقدر استغني عنك ياليلي
وانتي
قولتيلي قبل كدة ان اهلك هتقدري تقنعيهم ...
ليلي
: دلوقتي مش هقدر اقنعهم ياخالد ,, عشان انا نفسي مش مقتنعة
اضمن
منين اني متوجعش ومتجرحش تاني ؟؟ واضمن منين انك مش هترجع مراتك؟؟
واضمن منين انك مش هتيجي تاني زي زمان تقوللي مش هينفع ياليلي أنا حاولت ومفيش فايدة؟؟
اسفة
جدا ياخالد مش هينفع...
خالد
: بس انا بحبك وعارف انك بتحبيني ,, ولا بطلتي؟؟
ليلي
: لاء مبطلتش احبك..بس مبقتش واثقة فيك
علي
فكرة..خطيبي عاوز يرجعلي وانا بفكر اوافق
خالد
: اوعي تعملي كدة اوعي تغلطي غلطتي وتظلمية معاكي
انتي
مش بتحبية ومش هتعرفي تحبية
ليلي
: مش عاوزة احب حد . كفاية هوة بيحبني
انا
محتاجة احس بالامان ياخالد انا تعبت من
القلق والمشاكل..
خالد
: اوعدك مش هيكون فية مشاكل خلاص...
ليلي : عن اذنك ياخالد انا لازم امشي ...سلام
لاول
مرة "ليلي" ترفض ترجع ل"خالد" رغم انها لسة بتحبة ... فضل
فترة كبيرة مش قادر يجمع الموقف
ولا
يستوعب الكلام ولا هية كمان...معقول هيسيبها تضيع منة تاني ؟؟ معقول هيضيعها
تاني؟؟....
وهية
رغم انها شايفة انها صح ومقتنعه بكل كلمة قالتها الا انها كانت موجوعة ومتلخبطة
ومش عارفة
اية اللي ممكن يحصل ولا عارفه رايحة فين...حست ان
كل تفكيرها مشلول وان نفسها تبعد عن كل حاجة.....
فترة
صعبة مرت علي " ريم" بعد وفاه جوزها,, بس قدرت تتماسك عشان تفوق لبنتها
اللي ملهاش غيرها
خرجت
من العزلة اللي كانت فيها ورجعت بالتدريج تندمج مع اصحابها اللي شجعوها انها تكسر
الملل اللي هية
فية
وتشغل وقتها فحاجة هية بتحبها...كانت بتحب الحاجات الhand made جدا وكانت شاطرة فيها وزوقها حلو,,, ففكرت انها
ترجع تاني تعمل مفارش و اكسسوارات وفعلا رجعت بقوة وفتحت محل للحاجات الhand made .. وفي فترة مش كبيرة عملت شغل حلو جدا وبقي
ليها ناس كتير بتحب تتعامل معاها وبيحبو شغلها والdesigns اللي بتعملها ولأول مرة تحس انها مبسوطة ومستقلة
وبتعمل حاجة مفيدة هية بتحبها,,,,,
وعشان
ربنا كريم قوي ,, وعشان هية تعبت كتير واتعذبت كتير كان القدر مخبيلها مفاجأة
مكانتش علي البال....
((نهاية الحلقة الثالثة عشرة))
ليست هناك تعليقات:
إرسال تعليق