اوقات
كدة بييجي عليك وقت تبقي جبت اخرك من كل حاجة .. حاسس كدة انك عاوز تتمرد علي كل
حاجة تاعباك .. زهقت من المنطقة الرمادية اللي انت فيها ومبقتش ترضي بأي حل وسط
....اهو دة بالظبط بقي شعور "حسام " ناحية كل حاجة واهمها حبة ل
"ندي" لازم ياخد موقف ويتحمل نتيجتة مهما كانت..الصراع اللي جواة مابين
حبة ليها وغيرتة عليها و مابين انة احتمال كبير يخسرها لو عرفت كان بيعذبة.. بس
برضة بيرجع يقول لنفسة انة لو كان للحظة حس انة في دماغها او ان جواها أي مشاعر من
ناحيتة مكانش اتردد لحظة واحدة انة يكلمها ويعترفلها بمشاعرة وحبة ليها...
بعد
5 سنين احباط ووجع قرر انة يحاول يبدأ من جديد مع حد تاني ورغم كرهة للارتباط
التقليدي وجواز الصالونات زي ما بيسموة قرر انة يجرب ويشوف العروسة اللي مامتة
بيتقوله عليها ..وقال لنفسة مش يمكن
تعجبني
وارتاحلها ؟؟ بس هوة من جواة عارف كويس قوي ان أي واحدة هيقارن بينها وبين
"ندي" المقارنة
طبعا
مش هتكون في صالحها وهتكون في صالح "ندي" اللي عمر ما حد هياخد مكانها
فقلبة .....
بس رغم كل دة قال لمامتة تحدد معاد عشان يشوف
العروسة ويتعرف عليها ....
وتاني
يوم في البنك........
ندي
: هاي يا حس اخبارك
حسام
: الحمد لله ماشي الحال
ندي
: مالك يابني إتم كدة النهاردة ومش بتتريق
وبتهزر
حسام
: عادي يا ندي دماغي مشغولة شوية
ندي
: مالك فية اية ؟؟
حسام
: احتمال اخطب قريب وهشوف عروسة النهاردة
ندي
: وهوة دة اللي مضايقك كدة ؟؟ فية حد يبقي رايح يخطب ويبقي مخنوق كدة ؟؟
انت
هتاخدها تخليص حق ولا اية يا بني ههههههههههه
حسام
: انتي هتفضلي تافهة كدة وكل حاجة تقلبيها تهريج ؟؟!!
ندي
: تافهه ؟؟ مالك يا حسام ؟؟
حسام
: سوري يا ندي مش قصدي
ندي
: انا قلت اهزر معاك يعني عشان تفك شوية بس مكانش قصدي ازعلك
بس
غريبة يعني انت غيرت رايك في موضوع جواز الصالونات ؟؟
حسام
: عادي بتحصل وكتير الواحد بيغير رأية
ندي : عموما ربنا يوفقك يا حسام انت تستاهل كل
خير
لأول
مرة "ندي" تشوف "حسام" متوتر ومضايق كدة .... وهية كمان حست
بشعور غريب قوي
مش
فاهماة .. ولا فاهمة نفسها !! لية لما سمعت منة انة هيخطب حست بالشعور دة ؟؟
مع
ان المفروض انهم اصحاب والمفروض ان خبر زي دة يفرحها مش يخليها متلخبطة كدة ..
معقول
يكون كلام "ليلي" صح ويكون بيحبها فعلا ؟؟ طيب لو بيحبها لية مقالش وسكت
كل السنين دي ؟؟
وحتي
لو كدة لية هية نفسها اتلخبطت واتقفلت كدة لما سمعت انة رايح يخطب ؟؟!!!
لاول
مرة متبقاش فاهمة نفسها ....فضلت طول اليوم تفكر في الموضوع لدرجة انها ماعرفتش
تنام طول الليل
وفكرت اكتر من مرة تتصل ب"حسام" عشان
تسأله اية الاخبار ومنعت نفسها بالعافية!!! لأول مرة في حياتها من يوم ما اتعرفت
علية انها تتردد في اتصالها بية .. مع انها كانت ممكن تتصل بية أي وقت وعادي انها تصحية من
النوم حتي..اية اللي اتغير وخلي التعامل صعب كدة ؟؟
"حسام
" كمان ما نامش طول الليل من القلق والتفكير ,,البنت اللي شافها كويسة فعلا
ومناسبة وبنت ناس
وحلوة
وباين عليها ظريفة وطيبة ... بس برضة مش مبسوط ومش مقتنع ... لاول مرة ميبقاش عارف
ياخد قرار.. بس مؤقتا هيشوف البنت كزا مرة ويفكر في الموضوع ويديها فرصة هية كمان
تفكر يمكن مع الوقت يهدي شوية وياخد قرار يكون مقتنع بية اذا هيكمل او مش
هيكمل....
ندي
: صباح الخير
حسام
: صباح النور
ندي
: اية الاخبار . نقول مبروك ؟؟
حسام
: احتمال كبير ان شاء الله
ندي
: بجد . مبروك يا حسام ربنا يوفقك يارب
حسام
: وانتي كمان ....
ندي : اسيبك تكمل اللي وراك بقي وانا كمان هروح
اكمل
ثانية
واحدة...هوة النظرة اللي شافها حسام في عين ندي ولهفتها وهية بتساله دي بجد ؟؟ ولا
شوتوفوب زي ماهية بتقول دايما J يااااااااااااه ياعبد
الصمد 5 سنين عشان تتحركي يا مفترية .. لقد هرمنااااااا ... عليا النعمة
هرمناااااااااااا ... بس علي ميييييين قال لنفسة انة لازم يتقل شوية لحد ما يتأكد
لازم يسوق فيها شوية
عشان يتأكد من احساسها اللي اتغير فجأة دة.....
((نهاية الحلقة الثامنة))
ليست هناك تعليقات:
إرسال تعليق