كتير
مننا بتتحول حياتهم مجبرين لحياة مكانوش يتمنوها ولا كانو يحبو يعيشوها بالطريقة
دي ...لكن في الاخر بيضطرو انهم يعيشو حياتهم دي كأمر واقع ويحاولو يتأقلمو معاة
لأن تغيير الأمر الواقع دة صعب لأن القدر لعب لعبتة واتعقدت الامور بشكل يستحيل
معاه تغيير الوضع الحالي..دة اللي بالظبط حصل مع "خالد" لما ساب الامور
تمشي زي ماهية لأن من وجهة نظرة ان ((ليس في الامكان اكثر مما كان)) بس برغم
اقتناعة ان كل شي ءنصيب وان ليس كل ما يتمناه المرء يدركة برضة دايما حاسس ان فية
حاجة ناقصة,,دايما من جواة مش مبسوط دايما حاسس بذنب من ناحية "مي"
وبيحاول يعوضها عن انة مش قادر يحبها ولا قادر يقتنع بيها..حاول يوهم نفسة كتير
انة سعيد ومبسوط ومقتنع بس ماقدرش ...حبة ل"ليلي" زود عندة احساس الذنب
دة بس مع الوقت بدء يضعف وحاول يهرب من نفسة ومن افكاره .. حط كل همة في شغله
وفعلا في فترة صغيرة بقي جراح ناجح جدا ولية مستقبل كبير...بس برضة لسة مخة شغال
ومش مبسوط .. حياتة لسة
ناقصها
حاجة .. ناقصها حب ناقصها مشاعر ناقصها لهفة .. حتي حياتة مع "مي"
وعلاقتة بيها كزوج مقربتش بينهم لانها مجرد تقضية واجب ... دايما فية حاجز جواة ..
صحيح بيحترمها وبيخاف عليها وبيقدر
انها
بتحبة لكن مقدرش يحبها رغم كل اللي بتعملة...ولأنة حب يهرب من كل حاجة بتضغط علية ومبقاش
له اصحاب قريبين زي زمان لقي نفسة
من
غير مقدمات بيستجيب لمحاولات منال المساعدة اللي شغاله معاه انها تقرب منة..
صحيح
مش بيحبها برضة بس هية بتسمعه و بتساعدة
في شغله وبيرتاح معاها.. بالنسبة لية علاقتة بيها مكانتش
اكتر
حد بيرتاحلة وبيفضفض معاة و دة خلاه يتعامل معاها ببسساطة وميحسسهاش انها بتشتغل
عندة ...كان بيتعامل معاها كأصحاب مش أكتر... لكن "منال" كان ليها راي
تاني خالص ....
طول
الوقت شايفة "خالد" عريس لقطة صحيح هوة متجوز بس مش مهم هية مش فارق
معاها انها تكون زوجة تانية وياريت لو "مي " تطلق منة .. عشان كدة دايما
بتحاول تستفزها من بعيد لبعيد وتنشر في كل مكان ان "خالد" بيحبها ومش
قادر يستغني عنها وانهم هيتجوزو ...ودايما بتحاول تثبت ده في كل حتة
عشان
كدة بتتعمد احيانا تناديلة بإسمة كدة من غير كلمة "دكتور" قدام الناس
عشان تأكدلهم هما قد اية قريبين من بعض....بس برغم تصرفاتها دي "خالد"
كان واثق فيها جدا ومش متخيل انها هية نفسها
مصدر
الكلام اللي بيتقال عليهم !!! لما كان بيسمع حاجة ويواجهها بيها كانت بتعيط وتنكر
وتقول ان دة
كلام
كدب بيتقال عليها من بنات متغاظين منها
وهوة كان بيصدقها !!
بس
الكلام كتر لدرجة انة كان بيوصل "مي" بطريقة مستفزة جدا رغم انها بتشتغل
في مستشفي تانية خالص .. وكالعادة سكتت ولا كأنها سمعت حاجة .. زي ماكانت ساكتة
ايام الخطوبة ومتحملة بعدة عنها ومعاملتة المتكلفة ليها ..وزي برضة ماكانت عارفة
انة لسة بيحب "ليلي" وانة حاول يرجعلها ورغم كدة رفضت انها
تفسخ
خطوبتها بية!!لدرجة انة لما مرة قاللها
انة قرر يسيبها ويفسخ خطوبتهم..مثلت انها حاولت تنتحر عشان يرجعلها.. عاندت واصرت
انها تكمل معاه بغض النظر عن مشاعره ناحيتها وبغض النظر عن الحزن اللي كان الكل
ملاحظة علية طول فترةة الخطوبة واللي كان باين من كلامة حتي علي الفيس ..رغم كل
حاجة اتمسكت بية .. حلفلها مليون مرة ان"ليلي" موضوعها خلص وصدقتة رغم انها عارفة انه مش
ناسيها بس هية
كانت عاوزة تصدق..كانت عاوزة تكون معاه وبس ..
كانت بتقول لنفسها انه رغم كل حاجة كانت بينة وبين "ليلي" الا انة في
الاخر سابها واتجوزها هية وفضلها عليها و بقت هية مراتة .. بقت هية المستقبل و "ليلي" بقت
مجرد ماضي وذكري..بقت هية الامر الواقع والقسمة والنصيب .."وليلي" مجرد
قصة وانتهت..
--
اخر
حاجة في الدنيا ممكن يتوقعها وليد بية الكردي ان يجيلة اعلان قضية علي يد محضر !!!
لاء وقضية اية "خلع" ..!!!! معقولة "ريم" القطة المغمضة توصل
بيها الجرأة للدرجة دي !!!
ثار واتجنن وكسر كل حاجة قدامة..وحلف ليخليها
ترجعلة راكعة ومذلولة...وقبل ما ترجعلة راكعة حلف يذل "هند" ويجيب
مناخيرها الارض عشان لسة متخلقش اللي يقف قصادة ويتحداة......
ريم
: انا خايفة ومش متطمنة ياهند
هند
: ليه بس يا حبيبتي؟؟
ريم
: سكوت وليد مش طبيعي اكيد الاعلان وصله انا كنت متوقعة ييجي ويتخانق زي المرة
اللي فاتت
يزعق
..يتصل يشتمني ولا يهددني.. يبعتلي بابا ..أي حاجة ,,سكوتة دة فعلا مخوفني جدا
هند
: متخافيش دة بس ساكت من الكبسة والمفاجأة مكانش متوقع اننا نتحرك بالسرعة دي
ريم
: انت متعرفيهوش ياهند دة مفتري وقلبة اسود
هند
: ربنا اقوي منة وان شا ءالله هينصرك عليه
ريم :ونعم بالله بس انا بجد مرعوبة..ربنا يستر
:
في
الوقت اللي كانت هند مش خايفة فية وبتطمن ريم ومبسوطة وحاسة انهم علمو علي وليد
مكانتش عارفة اية اللي مستنيها تاني يوم....كانت طالعه من عيادتها عادي ووقفت
تاكسي عشان تروح حوالي الساعة 11 بليل وركبت فعلا التاكسي وركب معاها 3 ستات كدة
شكلهم غريب واحدة قعدت جمب السواق واتنين قعدو
معاها
ورا وقعدوها في النص..شكلهم كان يقلق فخافت وحاولت تنزل من التاكسي لكن ماعرفتش
والسواق جري بالتاكسي والستات كتفوها لحد ماراحو حتة مقطوعة وفضلو يضربوا فيها لحد
ماكانت هتموت في ايديهم من الضرب وقبل مايسيبوها قالولها ((دي قرصة ودن صغيرة عشان
تبطلي تتحدي اسيادك )) بعد كدة رموها وسابوها غرقانة في دمها ومش حاسة
بالدنيا.....
تاني
يوم الصبح فاقت لقت نفسها مرمية في الشارع ومش قادرة تتحرك ومش عارفة حتي هية فين..لحد
ماشافت
راجل عجوز تقريبا شكلة غفير او بواب ندهت علية بس في الاول خاف منها...طلبت منة
يشوفلها أي
تاكسي
يوديها اقرب مستشفي وفي المستشفي اتصلت ب "ريم" اللي لقتها متصلة بيها
اكتر من 100 مرة...
ريم
: هند انتي فين انا هموت من القلق عليكي وسالت عليكي في المستشفي وعند باباكي
وفكل
حتة وليلي راحت تبلغ البوليس قالولها لازم يعدي 48 ساعة علي اختفائك
هند
: الظاهر ان كان عندك حق يا ريم..الحيوان بعتلي ستات بالطجية خطفوني فتاكسي
وضربوني
وبهدلوني ورموني في الشارع ومحستش بنفسي الا النهردة الصبح قابلت راجل
طيب
كدة خليتة جابني علي المستشفي
ريم
: اية يانهار اسود مستشفي اية يا حبيبتي فيكي اية انا جيالك حالا
هند
: متقلقيش انا كويسة شوية كدمات بس دراعي اتكسر ووشي متبهدل
بس
ان شاء الله هكون كويسة,,خلي بس ليلي ولا ندي تيجي تاخدني بعربيتها لاني عاوزة اروح
ريم
: حاضر ياحبيبتي . انا اسفة ياهند انا السبب فكل حاجة وانتي مش ناقصاني بجد
انا
اسفة
هند
: بطلي هبل بقي اسفة اية وبتاع اية انتي المفروض تتاسفي لنفسك عشان اتجوزتي الكلب
دة
انا
هقفل عشان مش قادرة اتكلم .. ابعتيلي حد منهم ياريم الله يخليكي
ريم : حاضر يا حبيبتي حالا
ريم
: الف سلامة يا هند ياحبيبتي
((وفجأة
ريم قررت تتصل بوليد عشان تواجهة باللي حصل لهند.......))
ريم
: حرام عليك ياوليد هند مالهاش دعوة
وليد
: حرمت عليكي عيشتك بقي انا يازباله تهزقيني وتسمعي كلام الواطية دي وترفعي عليا
قضية
خلع ..وليد الكردي يتخلع يا بنت الكلب انا هعرفك ,, ها هتعقلي وتتنازلي عن القضية
وترجعي
البيت
زي الجزمة ولا لاء؟؟
ريم
: مش هرجع يا وليد تخيل لاول مرة بقوللك لاء
وليد : بقي كدة طب وحياة امك لاخليكي تبوسي جزمتي
وتجيلي زاحفة ...
قفل
السكة فوشها .. بس كان قلبها بيدق جامد من كتر الانفعال وكان حاسة انه هاينط من
مكانة ..معقولة هيه دي "ريم" اللي كانت بتتكلم؟؟ مبقتش مصدقة انها هية
اللي ردت علية واتحدتة ورفضت ترجعله....صحيح
هية خايفة و مرعوبة منة ومش عارفة اخرتها اية..بس
خلاص لازم هتمشي الطريق لاخرة.......
----------------------------------------------------------------------------------------------------------------
ليلي
: حمد الله ع السلامة يا نونه نورتي بيتك
ندي
: كفارة . بس تصدقي شكلك حلوة وانتي متخرشمة كدة J
هند
: الله يسلمكو ياعيال . ةانتي يام لسانين استني بس اما افوقلك
ندي
: بقي ان اللي بلسانين برضه هههههههههههههه
طالاما
رخمتي كدة ابقي اطمنت عليكي
هند : ريم اطلبيلي الزفت جوزك
ريم
: مش ممكن ياهند انتي بتقولي اية
ليلي:
اعقلي يا هند بلاش تستفزية هوة شايط خلقة
ندي
: يابنتي انتي اتجننتي المرة الجاية بجد ممكن يقتلك او يقتل الغلبانة دي
هند
: انا بقي عاوزة اجننة ويحصل اللي يحصل
ليلي
: بطلي تهور بقي انتو خلاص رفعتو القضية ودي اهم حاجة بلاش
تصرفات
من دي يا هند احنا مش مستغنيين عنك دة مجنون ومتنسيش انك انتي و ريم
لوحدكو
وبصراحة يتخاف عليكو منة
ندي
: ليلي عتدها حق اعقلي شوية يا هند
هند
: لازم يعرف اني مش خايفة منة دي مسالة كرامة
ريم
: خلاص ياجماعة هند دماغها ناشفة ومش هتقتنع بكلام حد
هند
: بالظبط كدة هاتي موبيلك
ريم
: اوك اهوة
((صوت
جرس))
وليد
: ها عقلتي وهتتنازلي عن القضية مش كدة ؟؟
هند
: دة لما تمشي علي ايديك وتمسك سلوك الكهربه يا وليد مش هتتنازل
وليد
: هوة انتي يا@#%&**^^ يا بنت ال@##%@@()@(9
هند
: مش هارد عليك بنفس الفاظك لاني مش هنزل للمستوي القذر دة
بس
احب اقوللك اني مش خايفة منك ولا من شوية البلطجية بتوعك يا وليد
ووريني
هتعمل اية .
وليد : ماااشي يا بنت ال@#&)&^% انا بقي
هوريكي وهعرفك تكلمي اسيادك ازاي
ندي
: خلاص ارتحتي كدة يعني؟؟
هند
: طبعاااااااااااااااااااا
ليلي:
انتي غلطتي ياهند وبجد ربنا يستر
ما
تتكلمي ياريم ساكتة لية؟؟
ريم
: عاوزاني اقول اية يا ليلي؟؟ خلاص
احنا
مشينا فسكة ولازم نكملها
ندي
: انتي اتغيرتي قوي ياريم
ريم
: غصب عني لازم اتغير
ليلي
: بس تغير للاحسن والاقوي ياريم ربنا معاكي يارب
وينتقم منة
وبعد
كام يوم .......
هند
: انا اتخنقت من قعدة البيت اوووووووف
ريم
: يا بنتي ارتاحي شوية هوة انتي لحقتي
هند
: المشكلة ان وشي بقي شوراع هههههههههههه ومضطره افضل شوية
في
البيت عشان ماخضش الناس
ريم
: انا اسفة بجد يا هند ان السبب في كل دة
هند
: بطلي بقي يابت انتي اختي
ريم
: تعرفي ان اول مرة بابا يتصل بيا النهاردة
هند
: طب كويس هية صحيح مامتك مش طايقاني ومش موافقة
علي
اللي بيحصل بس اهي بتكلمك تتطمن عليكي كل شوية..
كويس
برضة ان باباكي اتصل
ريم
: قلبك ابيض ياهند دة كان متصل يهزئني ويسمعني كلمتين
وطلب
مني اتنازل عن القضية. واضح ان وليد مروقهم
هند
: معلش ياريم انتو بجد عليه غريبة قوي بصراحة
مش
ممكن اللي انتو فية دة هوة ماسك عليكو ذله يا بنتي؟؟
ريم
: عشان تصدقيني لما كنت بقوللك ان محدش هيقف جمبي
هند
: ربنا احسن من الكل وهوة معانا
ريم
: ونعم بالله
هند
: الساعة بقت 3 والولد لسة مجاش انا قلقانة قوي دي
اول
مرة تحصل . اما اكلم المشرفة كدة
المشرفة
: الو
هند:
ايوة انا دكتورة هند حسن مامت اياد احمد
المشرفة
:اهلا يا دكتورة
هند
: لو سمحتي الساعة بقت 3 واياد لسة مجاش هوة الباص اتاخر كدة لية؟؟
المشرفة
: حضرتك بتقولي اياد ؟؟ انا منزلاة بنفسي قدام باب العمارة من ساعة
هند:
ساعة ؟؟ انتي بتقولي اية ؟؟ الولد مجاش لغاية دلوقتي انتي ازاي تتحركي بالباص
من
غير ماتتاكدي ان الولد دخل من باب العمارة؟؟ وازاي محدش ضرب الجرس زي كل يوم؟؟
المشرفة
: مش ممكن يافندم انا ممشيتش الا لما اتاكد انة دخل العمارة وبعدين رنيت الجرس
بنفسي زي كل يوم!!
هند
: انا ماليش في القصص دي كلها. انا هوديكو في داهية . وديتو ابني فيييييييين؟؟
المشرفة
: يادكتورة هند اكيد في حاجة غلط
هند
: اية الاهمال اللي انتو فية دة ,, دة ولد عمرة 4 سنين هيروح فين يعني
انا
هوديكو في ستين داهية ...
ريييييييييييم
الحقيني ياريم ابني . اتصرف ازاي دلوقتي اعمل اية ياربي؟؟
دة
الحاجة اللي طلعت بيها من الدنيا ومصبراني ع القرف اللي انا فية ...ياارب
يارب
رجعهولي ياااااااارب ...
ريم
: ان شاء الله هيرجعلك
هند
: انا هبلغ البوليس..ولا اعمل اية انزل ادور علية في الشارع ولا اعمل اية بس
ريم
: المشرفة بتقول انة دخل من باب العمارة . مش جايز راح عند حد من جيرانكو
هند
: لاء طبعا مش ممكن اولا انا ماليش علاقة بحد هنا خالص والولد مالوش
اختلاط
باي حد من الاطفال اللي في العمارة,, مش بسمحلة يلعب الا في المدرسة بس
وقبل
ما تيجي انتي ياريم . كنت باخدة معايا العيادة واسيبة برة مع أمل الاسيستانت
عشان
مفيش حد يقعد معاه .
ريم
: اومال هيكون راح فين بس ؟؟ يمكن ابوة جة خطفة؟؟
هند
: ابوة اساسا مبيفوقش من القرف اللي يشربة وعموما احمد اصلا مش هنا
بعتلي
مسدج وقالي انة في اسكندرية ومش هيعرف ييجي معاد زيارة الولد
ريم
: مش جايز بيكذب
هند
: جايز جدا الكدب اساسا في دمة .
ريم
: هتعملي اية ؟؟
هند
: مش عارفة انا حاسة اني هموت ودماغي مشلولة...ريم فيه حاجة في دماغي
وحاسة
انها هية اللي حصلت فعلا
ريم
: اية ؟؟
هند
: احمد ميعملش كدة .. اية اللي يجبرة؟؟ دة بيشوف الولد
كل
اسبوع وعمري ما منعتة عنة..دة غير ان المخدرات اساسا مسحت مخة وعمرة اصلا ما اهتم
ان
الولد يعيش معاه ولا فكر في كدة..
ريم
: يعني اية؟؟
هند
: الحركة الواطية دي متتطلعش الا من الحيوان وليد,, دة مهددني ازاي ماخدتش بالي؟؟
يانهار
اسود انا خايفة ليعمل حاجة في الواد عشان ينتقم مننا . اعمل اية ياربي بس ..اتصلي
بية
ريم
: حاضر هتصل,,متقلقيش ياهند
هند:
هااااااااا
ريم
: موبيلة مقفول
هند
: يانهار اسود طب وبعدين؟؟ انا مش طايقة نفسي
انا هفضل كدة ؟؟ انا نازلة اعمل محضر
وبعد
اسبوع كانت "هند" بتموت فية مليون مرة في اليوم ودورت عليه في كل حتة
ممكن تتخيلها ومتتخيلهاش والمحضر اللي عملتة موصلهاش لحاجة غير انها عرفت ان فية
حد بوظ الجرس بتاعها اللي جمب باب العمارة متعمد !! وقلبت الدنيا علي طليقها وطلع
فعلا في اسكندرية
ومش
عارف حاجة.....فجأة رن موبيل ريم برقم خاص
ريم
: وليد انا عارفة ان انت
وليد
: قلبك دليلك ياروح امك
ريم
: اياد مالوش دعوة حرام عليك دة طفل صغير مالوش ذنب,,انا خلاص
هتنازل
عن القضية وهرجعلك بس رجع ل"هند " ابنها
وليد
: مش بالساهل كدة
ريم
: عاوز اية تاني ؟؟
وليد:صاحبتك
اللي رافعالي مناخيرها في السما وبتتحدي اسيادها..تيجي
راكعه
لحد عندي تبوس جزمتي
ريم
: كفاية بقي يا وليد حرام عليك
خلاص
انا هعمل كل اللي انت عاوزة طلع بقي "هند" وابنها برة الموضوع
وليد
: دة اللي عندي ..
ريم : حاضر بس اهم حاجة الولد يرجع....
ريم
: هند..كفاية لحد كدة انا مش قدة ومش هخبط راسي في الحيط اكتر من كدة ,, انتي
وابنك
مالكوش
ذنب تتعذبوا معايا كدة..دة نصيبي ودي حياتي ولازم ارضي بيها .. من بكرة هتنازل عن
القضية وارجع البيت وابنك بكرة ان شا ءالله هجيبهولك وهيبات في حضنك ...
هند
: ايوة ياريم بس .....
ريم
: مابسش يا"هند" كفاية لحد كدة .. حسبنا الله ونعم الوكيل فية مش هيقدر علية الا ربنا
انتي
مش ناقصة مشاكل ولا تعب وكفاية اللي حصللك بسببي....للاسف "وليد" أمر
واقع ولازم اقبلة
غصب عني ............ L L L
ليست هناك تعليقات:
إرسال تعليق