ندي
: هشام عاوز يرجعلك ؟؟ طب انتي رأيك اية يا بنتي ؟؟
ليلي
: بصراحة مش هقدر بجد مش عاوزة اظلمة هوة ميستاهلش مني كدة ,, هوة انسان كويس بس
انا
مش
متخيلاه خالص يا ندي مش قادرة احبة .. حاولت كتير ومقدرتش
ندي
: انتي لسة بتحبي "خالد" ؟؟
ليلي
: مش عارفه يا ندي بس اللي اعرفة ان "خالد" بجد وقع من نظري وانتهي من
حياتي ودة كفاية انة يخليني انساة ,, صحيح مش بكرهه بس برضة مبقتش احس أي حاجة من
ناحيتة
ندي
: لا والله ؟؟!! طب عيني فعينك كدة ؟؟
ليلي
: يا ندي افهميني مش معني اني مقدرتش احب "هشام" اني لسة بحب
"خالد" مش شرط يعني
دي
كيميا حاجة كدة مش بإيدينا الحب والمشاعر دي حاجة من عند ربنا,,
ندي
: يعني انتي فعلا نسيتي "خالد" ؟؟ انتو اللي بينكو مكانش قليل يا ليلي
ليلي
: مبقتش افكر فية يا ندي ,, مبقاش فارق معايا والله صحيح ماكدبش عليكي بضايق
لو
شفتة مع مراتة وبضايق لما بسمع عن حوار "منال " الممرضة والكلام اللي
بتقوله بس
كل
دة بيخليه ينزل من نظري اكتر واكتر .. حتي لو اتقابلنا صدفة في الشغل في المستشفي
وانا نيمتله
حاله
بحس اني مش حاسة أي حاجة ناحيتة
ندي
: ياريتك متشغليش معاه خالص يا شيخه
ليلي
: للاسف بيبقي بالصدفة بس ع الاقل في البرايفيت انا بشتغل حالات جراحة مع دكاترة
تانيين
وببقي
ضامنة اني مش هقابله .
ندي
: انا بستغرب بجد لو شوفتية يوم عيدميلادك كان بيبصلك ازاي وانتي داخلة ,,ولا
"مي" دي لما شافتك
وشها
جاب الوان الطيف بصراحة يا لولا مفيش مقارنة بينك وبينها خااالص بس انا فرحانة فية
والله دة عقاب ربنا خلية كدة مش مرتاح ,, يا بنتي كان شكلهم زي مايكونو متجوزين من
10 سنين مش لسة عرسان مكملوش سنة !! لاء ورايح يعك مع البت "منال " دي
اللي بتقولو عليها لاء بصراحة بدا بدري قوي يعني البت "هند" حكتلنا قبل
ما تيجي بتقول المستشفي عندكو كلها عارفة .. بس "هند" حاسة انها اشاعات
وان البت بتسيحلة عشان تغيظ مراتة وتطفشها لانها بترسم عليه من زمان جدا حتي من
ايام لما كان خاطبك انتي..
ليلي
: ياستي ربنا يهدي بقي ,, انا خلاص مركزة في شغلي وبس ومش مستعدة ارجع لهشام
كدة
احسنلي واحسنلة وبجد مش هكرر الغلطة دي مش هرتبط بحد الا لما اكون مقتنعة بية 100%
انا مش مستعدة اظلم حد ولا اظلم نفسي .
ندي
: ياراسي انت يا متأني ربنا يكملك بعقلك يا مزة
ليلي
: يا بنتي دي اقل حاجة عندي اومال انتي فاكرة اية بس .. بس بجد يا نودي انتي شايفة
اني صح ولا غلط ؟؟ قوليلي بصراحة
ندي
: والله هوة كلامك منطقي وشكلة حلو يعني ولو اني سوري يعني مش مصدقة انك نسيتي
"خالد"
بصراحة
يا ليلي انا شايفة انك اتخطبتي "لهشام" عشان تنسية ومقدرتيش
ليلي
: بصي هوة انا فعلا عملت كدة بس عارفه مينفعش ننسي حد بحد تاني,,بالعكس كدة مش
هننسي
وهنظلم
نفسنا اكتر وهنظلم معانا حد مالوش ذنب وبصراحة انا مقدرش اعمل كدة ,, بغض النظر عن
ان
"خالد"
عمل كدة وعن ان "مي" موافقه علي كدة رغم انها عارفة انا
و"خالد" كنا ازاي كدة يبقي "خالد" ظلمها وهية كمان ظلمت
نفسها... وانا مش مضطرة ابدا لااظلم نفسي ولا اظلم حد..
ندي
: طيب وانتي ممكن تحبي حد زي ماحبيتي "خالد" ؟؟ دول سنين يا ليلي هتقدري
تحبي كدة تاني؟؟
ليلي
: مش مهم احب كدة تاني .. المهم اكون مقتنعة وفرحانة ومرتاحة للشخص اللي قدامي
ويمكن احبة لية لاء؟؟
ندي
: نفسي يكون كلامك صح يا "ليلي" بجد نفسي والله
ليلي : صدقيني يا نودي انا كلامي صح
بس
"ندي" من جواها عارفة ان "ليلي" كلامها مش صح وانها لسة بتحب
"خالد" وبتموت فية بس مش حابة تبين عشان خايفة علي كرامتها ,, و
"ليلي" برضة عارفه ان "ندي" فاهمة وحاسة بيها وعارفه الحقيقة
... الحقيقة اللي "ليلي" شخصيا مش قادرة تواجة نفسها بيها ...وهية انها
لسة مشاعرها ناحية "خالد" موجودة ومانتهتش
وعارفة برضة ان "خالد" لسة بيحبها رغم انة اتجوز ورغم الهبل اللي بيتقال
عن
حوار "منال" اللي بتتكلم في كل حتة وبتقول انها هتخلية يطلق مراته
ويتجوزها !! عارفة انة عمل محاولات خايبة كتير عشان ينساها .. بس متقدرش لاتواجة
نفسها ولا غيرها بالحقيقة دي اللي هية عرفاها كويس...صحيح هوة اتخلي عنها وضيع
حبهم بضعفة واستسلامة لاهله بس حبهم لبعض
مش بإيديهم ولا بإيد حد وحاجة كدة غصب عن الكل محدش يقدر يتدخل فيها ولايقدر يشيله
من جوه قلبهم .. بس لأن الحياة لازم تمشي ولأن النصيب بتاع ربنا والدنيا مش بتقف
لازم الحب دة يفضل جواهم هما الاتنين بس ويفضلو بعيد عن بعض لان خلاص دة حكم القدر
ولان فية حاجات لو حاولنا نغيرها نبقي بنخبط راسنا في الحيط... في حالتهم التعاسة
كانت اختيار اتحول لقدر .. "خالد" اختار يظلم نفسة ويظلم معاة
"ليلي" و "مي" ورغم
ان "مي" كانت عارفة كل حاجة اتمسكت بخالد ورضيت منة باقل حاجة وقبلت حاجات مفيش حد عندة
كرامة يقبلها علي نفسة ...كدة برضة هية كمان اختارت تظلم نفسها واختارت تصدق
الكدبة وتعيش فيها برغم انها عارفة الحقيقة... كل الافكار دي مخلتش ليلي تنام
تقريبا ..برغم ان معندهاش شغل قامت الساعة 9 الصبح وركبت عربيتها وفضلت تتمشي من
غير هدف وهية سرحانة...ولقت نفسها قدام مكان كانو متعودين يفطرو فية مع بعض من
ايام الجامعة وايام الامتياز...لاشعوريا دخلت وقعدت في نفس الطربيزة اللي كانو
بيحبو يقعدو فيها...يااااااااااة كأنه كان لسة امبارح وكأن مفاتش كام سنة علي اخر
مرة جات معاه هنا...غصب عنها عينيها دمعت وافتكرت كل ذكرياتهم وسنين حبهم ......
وفجاأه......
الصوت
: صباح الخير .....
ليلي:
((في نفسها...معقول ؟؟!!))
الصوت
: ازيك يا ليلي؟؟
ليلي:
.................................خالد؟؟!!!
الحمدلله
ازيك
خالد
: ممكن اقعد؟؟
ليلي:
اتفضل
خالد
: عاملة اية ؟؟
ليلي
: الحمد لله كويسة وانت ؟؟
خالد:
مش عارف !!! بس الحمد لله علي كل حال
اول
مرة اشوفك هنا من اخر مرة جينا فيها
ليلي
: اة فعلا ,, مجتش من وقتها
خالد
: انا بقي باجي هنا علي طول اصلي بحب المكان ده قوي وكتير بنزل افطر
هنا
لو ورايا شغل الصبح بحس براحة فعلا لما باجي ,, انتي لية جيتي النهاردة؟؟
ليلي
: عادي يعني كنت قريبة من هنا قلت ادخل افطر أي حاجة تغيير يعني
((طبعا
مكانش ينفع تقول انها جات هنا لان وحشها ايام زمان وهوة نفسه واحشها جدا L ))
خالد
: بس ؟؟
ليلي
: اة طبعا بس
خالد
: انا بقي باجي هنا لما بتوحشني ايام زمان ولما بتوحشيني ,, ممكن اقولك وحشتيني ؟؟
ليلي
: لاء طبعا مش ممكن ياخالد ,, احنا دلوقتي زملا مش اكتر واكيد مينفعش تقولي كلمة
زي دي,,دة غير
انك
اتجوزت وبقي ليك بيتك وحياتك وانا كمان ان شاء الله يبقي ليا بيتي وحياتي .
خالد
: اومال سيبتي خطيبك لية ؟؟
ليلي
: بتحصل يعني لقيت نفسي مش مقتنعة بية,, وبعدين انا مش مجبرة ابررلك أي حاجة
بعملها وعموما لو دة يريحك هقوللك برضة اني مش مجبرة اني اجي علي نفسي عشان حد ومش
مجبرة لا اظلم نفسي ولا اظلم حد تاني معايا,,من حقي اعيش حياه انا عاوزاها ومقتنعه
بيها مش مجرد شكل اجتماعي ..
خالد
: عندك حق بس لازم تعرفي يا ليلي اني متخليتش عنك واني مش هربت ولا ضعفت زي مانتي
فاكرة ,, انا حاولت احل المشكلة بكل الطرق ومنفعش ولو كان فية امل 1في المليون ان
الموضوع يتحل انا كنت فضلت ورا الامل دة ,, بس الفكرة ان مكنش ينفع نفضل نعذب بعض
ونتعلق ببعض اكتر من كدة,,يمكن اكون حسبتها غلط بس بجد مكنش ينفع غير كدة,,عشان
اا...
ليلي
: خااالد من فضلك الموضوع دة منتهي ومفيش داعي للكلام دة لو سمحت خلاص كل واحد
بياخد نصيبة,,وربنا يوفقك في حياتك "مي " انسانة كويسة وربنا يوفقكو
خالد
: "مي" انسانة كويسة وطيبة وبنت ناس واستحملت معايا كتير ,, بس
"مي" مش انتي يا ليلي
ومهما
تعمل لايمكن تقنعني بيها و...
ليلي : عارف انت اية مشكلتك ؟؟ انت متردد ياخالد
مش عارف انت عاوز اية ساعات بتبقي عاوز كل
حاجة وفنفس الوقت بتختار اسهل الحلول لاقدرت تتمسك بيا .. ولا قدرت تقتنع بمراتك
ولا حتي عارف تسكت الناس اللي بتتكلم عليك
انت واللي اسمها "منال" دي ولا
عارف توقفهم عند حدهم... خد قرار ياخالد ولو لمرة واحدة في حياتك يمكن ترتاح ,, عن
اذنك انا لازم امشي....سلام
يااااااااااه
لأول مرة تبقي حادة معاه كدة وفنفس الوقت
كان نفسها تترمي في حضنة وتفضل تعيط
وتقوله
وحشتني .. بتحبة لسة ؟؟ اه لكن مش مسامحاه ولا ناسية هوة جرحها قد اية..
"ليلي" من الناس اللي زعلهم بيكون علي قد حبهم ومش بتتجرح فعلا الا لو
كان الجرح من حد قريب ,, وده مش أي حد دة "خالد"
حب
حياتها واللي كان دنيتها كلها .. واللي خلي الدنيا كلها تتهد وسابها فيها لوحدها
وراح يبني دنيا جديدة مع واحدة غيرها ...وسابها لوحدها للياس والألم .. تسامحة
ازاي بعد كل دة ؟؟
مشاعر متناقضة جواها بتموتها كل يوم مليون مرة ..
خايفة عمرها يضيع وهية كدة .. خايفة تفضل محبوسة جوة الماضي وتفضل تتفرج علية من
بعيد وهوة بيكمل حياتة مع غيرها..ياريت النسيان دة كان زرار نقدر ندوس علية نلاقي
نفسنا نسينا كل حاجة .. بس في وسط دموعها قالت الدنيا لازم تمشي والحياة لازم
تستمر.. بخالد او من غيرة لازم هتستمر .. صحيح الحب دة لايمكن يتكرر بس برضة
لازم منفضلش محبوسين جواة.. صحيح الكلام
شكلة حلو لكن تنفيذة صعب بس برضة مش مستحيل..وزي مادعت زمان انة يكون نصيبها في
الدنيا والاخرة وان ربنا يجعللها فية الخير بقت بتدعي ربنا انة زي ماشاله من
حياتها ومبقاش من نصيبها يشيلة من قلبها .. ومن وسط دموعها دعت وقالت (( اللهم قدر
لي الخير وارضني به )) ........
لاكتر
من نص ساعة "خالد" كان قاعد في مكانة بيحاول يستوعب كلام
"ليلي" ....
هوة
عارف انها شخصيتها قوية بس في نفس الوقت هية هادية ومش بتتعصب بسهولة ولا بتعلي
صوتها وكلامها قليل نوعا ما ..صحيح هية ظريفة ودمها خفيف بس برضة كلامها مش كتير
,, كان عاجبة فيها قوي النقطة دي انها هادية ورقيقه وفي نفس الوقت شخصية قوية
وليها راي لكن اول مرة تحتد علية كدة,,حتي لما سا بها كانت مصدومة وتعبانة ومأخدتش
أي رد فعل عنيف .. كلامها ساب جواة حاجة وقفتة قدام نفسة ؟؟ وخلاه يسألها يااااه
هوة انا صغير قوي كدة فنظر "ليلي" ؟؟ معقول شايفاني كدة ؟؟ طب مين اللي
صح انا ولا هية؟؟ ياتري انا فعلا عملت اللي عليا والظروف ظلمتني انا كمان زيها؟؟
ولا انا كنت ضعيف مع اهلي زي ماهية شايفاني؟؟ بس انا عارف وهية عارفة اني مش ضعيف
والمفروض تكون فاهمة ان فية حاجات مش بإيدينا ..دة كلام العقل والمنطق ..لاول مرة
يسأل نفسة السؤال دة ياتري اللي حصل دة كان فعلا هوة الحل الوحيد؟؟ هوة كان عارف
ان ارتباطة بمي غلط بس كان لازم الحياة تمشي من وجهة نظرة..صحيح مكانش مبسوط بس
كان مقتنع وشايف اني دة احسن ل"ليلي" واحسنلة لان كان الحل البديل انهم
يخسروا اهاليهم..بس ياتري مش كان ممكن الموقف يتغير مع الوقت لو كان صبر شوية
ومراحش يخطب مي؟؟
مبقاش
فاهم حاجة ولا عارف حاجة..كل اللي عملة انة ادي كل وقتة وتفكيرة للشغل وفعلا نجاحة
في شغلة كان
بيخليه يصبر علي حاجات كتير تاعباه..ياتري الناس
اللي بتحسدة علي نجاحة في شغلة وعلي شخصيتة الجذابة حاسين هوة قد اية تعيس من جواه
؟؟ مبقاش عارف حياتة ماشية ازاي ولا رايحة علي فين ولا بقي مركز في حاجة خالص الا
الشغل لان دي الحاجة الوحيدة اللي ماشية صح في حياتة ....كل دة دار في دماغة وهوة
قاعد مطرحة وفي الاخر نزلت دمعة غصب عنه .. مسحها وخد بعضة ومشي من المكان وبص
لفوق ودعا ربنا انة لما ييجي المرة الجاية
يقابل "ليلي" برضة .....!!!
((نهاية الحلقة الخامسة))
ليست هناك تعليقات:
إرسال تعليق