ساعات
كدة تلاقي بنت زي القمر وجميلة زيادة عن اللزوم و حاسة بنفسها وحاسة انها اجمل
حاجة شافتها في حياتها كلها ....واللي حوايلها بيزودو الاحساس دة بتصرفاتهم معاها
"ندي"
كانت من النوع دة تركيبة كدة شخصية رمادية
زي مابيسموها في الروايات والكتب .. هية طيبة وجدعة مع اصحابها والناس القريبين
منها بس في نفس الوقت عندها حتة نرجسية شوية .... اللي ميعرفهاش بيشوفها شايفة نفسها..ومغرورة بس
هية مش مغرورة هية بس عارفه انها جميلة
من
وهية صغيرة وعارفة ان كل اللي حواليها
شايفينها جميلة .. من ايام المدرسة اتعودت تتحب ولما دخلت الجامعة برضة اتعودت تتحب وان كل اللي حواليها يتمنو بس انهم
يعرفوها وحتي لما يوم واحد لفت نظرها وفكرت انها ترتبط بية ,, كان من باب الملل مش
اكتر !!! وزي معظم قصص الحب في الجامعة الموضوع ما كملش " ندي" زعلت كام
يوم وخلاص الموضوع انتهي لكن الولد اللي كانت مرتبطة بيه تعب جدا لانة حبها بجد
وحاول يرجعلها كتير بس هية رفضت ...
لما
عدت سنين الكلية واتخرجت من كلية التجارة قسم انجليزي اخدت كام كورس كدة وقدمت في
كزا بنك وكان\سهل جدا تتقبل لانها كان معاها لغات وكزا كورس وواسطة طبعا وقبل كل
دول شكلها ساعدها انها تتقبل
في
بنك اجنبي من البنوك المهمة ..
طبعا
من اول يوم في الشغل لفتت نظر كل زمايلها في البنك خصوصا " حسام " ....
من
اول يوم شافها خطفت قلبة ومقدرش يسيطر علي مشاعره ناحيتها .. اتعرف عليها وقرب
منها وبقو اصحاب جدا وكان عارف انة بالنسبة ليها مش اكتر من صديق عشان كدة قرر
يحتفظ بمشاعرة جواة مؤقتا
يمكن
تحس بية بعدين ..وعشان هما اصحاب كان بيستحملها لما تيجي تحكيله عن حد هية معجبة
بية او حد
متقدم
لها .. اضطر يستحمل انها تتخطب مرتين ويتعرف علي خطيبها الاولاني وخطيبها التاني
...ما هما
اصحاب
ومينفعش يعترض .. مينفعش يحسسها انة بيحبها عشان ميخسرهاش ...
صحيح
كل الناس حاسة وشايفة حبة ليها بس هية الوحيدة اللي عمرها ماحست بية !! كتير كان
بيضايق منها
وبيحاول
ينساها بس مكنش بيقدر .. 5 سنين قدامة في البنك ومش قادر حتي يلمحلها من بعيد ..
حتي لما جة سنة فيها الفالانتاين وهية مش مخطوبة ولا مرتبطة بحد انتهز الفرصة
وجابها هدية والورد الاحمر اللي هية بتحبة برضة مافهمتش .. كان ردها ومبررها
..انهم سناجل زي بعض واخدت الموضوع بهزار وقالتله ((happy single valentine's day)) ياحسام وان شاء الله
السنة الجاية تكون ارتبطت وحبيت بقي ))
... مبقاش عارف يعمل معاها اية دة
كل حاجة بيعملها وبيقولها بتقولها بحبك .. حتي نظرة عنية ناقص تنطق .. لمعة عيونة
لما بيشوفها وكأنة كل مرة بيقابلها أول مرة زي مايكون مفاتش 5 سنين من يوم ما جت
البنك واشتغلو مع بعض .. ساعات بيقول لنفسة ان "ندي" شخصية نرجسية مش
بتعرف تحب غير نفسها .. وساعات بيشك انها عارفة حقيقة مشاعرة من ناحيتها بس مبسوطة
وهية
معلقاه وشايفاة بيتعذب قدامها كدة .. شايفها اتخطبت وارتبطت كزا مرة مع انة قدامها
.. ازاي ملفتش نظرها طول ال5 سنين دول ؟؟ ازاي ماقدرش يخليها تحس بية؟؟ ياتري
المشكلة فيها ولا فيه؟؟
مبقاش
عارف اية الصح واية الغلط ؟؟ ياتري يفضل متعلق بيها كدة ع الفاضي ؟؟ ولا يحاول
ينساها ؟؟
ولو حاول هيقدر ؟؟ اسئله كتييييييييييير قوي جواه
ملهاش اجابة !!!
ندي
: صباح الخير
حسام
: صباح النور اية يا بنتي اتأخرتي لية كدة انا قلت مش هاتيجي
ندي
: انا فعلا مصدعة جدا مكنتش جاية بس نزلت لأني قافشه معاهم في البيت
حسام
: لية هببتي اية ؟؟
ندي
: مفيش يابني عريس رخم تحس انة قاعد منفوخ
كدة زي مايكون كان معدي علي حد بتاع كاوتش
قبل ماييجي J
J
حسام
: ام الألش اللي في دمك دة مفيش فايدة فيكي
ندي
: اسكت ياحس متفكرنييييييييش دة حاجة استغفر الله العظيم وبعدين انا قايللاهم
مليوووون مرة مش هتنيل اتجوز بالطريقة دي مقدرش احب حد بالعافية لمجرد انه بقي
خطيبي يعني اية اعيش مع واحد مفيش أي حاجة بتربطني بية الا ورقة وشوية كراكيب
؟؟!! بس انت عارف بقي بيفكروني بالخطوبتين
بتوع قبل كدة وانهم جربو اختياراتي المهببة وسابوني براحتي وخدت اية من الحب
والعمر بيجري والهري بتاع الاهل دة
حسام
: انا كمان امي بقالها فترة بتزن عليا عشان اخطب وعاوزة بقي تدخلني في الحوارت
بتاعه تعالي ياحسام سلم علي ماهي بنت طنط ماجي والحوارات الفكسانة دي بس انا طبعا
عامل من بنها .. مقدرش اتجوز واحدة مش بحبها .. انا مش متخيل حياتي من غير حب
عارفه ......
((((صوت
موبيل )))
ندي
: سوري يا حسام ثواني هارد ع الموبيل .. الو,,ايوة يا لوووو صباح النور يا قمر
أه
انا في البنك ... بجد ؟؟ لاء تمام خلاص اوك هستناكي تعدي عليا اوك يا بيبي باي باي
.
سوري
يا حس قطعت كلامك ,, احنا كنا بنقول اية ؟؟
حسام
: لا ولا حاجة اسيبك بقي لشغلك وانا اروح اكمل اللي كنت بعملة قبل ماتيجي
ندي : اوك
ليلي
: ازيك يا حسام
حسام
: ليلي ازيك يا جميل كل سنة وانتي طيبة
ليلي
: ميرسي وانت طيب ياحسام J
حسام
: تعالي اشربي حاجة بقي
ليلي
: لا ميرسي ربنا يخليك يا حسام مرة تانية بقي انا قلت اسلم عليك قبل ما امشي انا
وندي اصلي مستعجلة شوية وورايا شغل كمان
حسام
: طيب اوك ربنا معاكو هعديها المرة دي
ليلي
: ان شاء الله ,, اهية "ندي " جت يارتنا افتكرنا مليون جنية
هههههههههههههه
ندي
: اتلمي وبعدين مليون بس يا فقرية انتي في بنك يا ماما افتكري رقم اكبر شوية,,
احنا هنمشي بقي يا حس باي
حسام
: باي
ليلي
: طب وحياة امي الواد دة بيموت فيكي
ندي
: بطلي هبل يابنتي احنا اصحاب
ليلي
: هبل اية بس والله مافية اهبل منك حد يسيب "حسام" ويرتبط بالعاهات اللي
كنتي مرتبطة بيهم دول
ندي
: اهبطي بقي مش طالباكي انتي كمان
ليلي
: شكل امك شدتك جامد عشان عريس امبارح دة وشكل ابووردة اشتغل
ههههههههههههههههههههههه
ندي
: هههههههههههه انتي بتقولي فيها والله دة اللي كان ناقص يا بنتي
ليلي
: بس برضة "حسام" بيحبك اديلة فرصة
ندي
: يابنتي مانا قدامة 5 سنيييين مانطقش لية؟؟
ليلي
: عشان انتي مش حاسة بية يازكية وخايف يخسرك
ندي
: هوة قاللك حاجة يعني ؟؟
ليلي
: لاء مقالش بس باين يعني كلنا واخدين بالنا
ندي
: والنبي تبطلي فتي انتي والسوسة التانية "هند " دي وارحموني
ليلي
: طيب ,,بس بكرة افكرك يا نودي
ندي
: ماشي ياختي ....المهم اخبارك انتي اية
ليلي : هشام عاوز يرجعلي .....
((نهاية الحلقة الرابعة))
ليست هناك تعليقات:
إرسال تعليق