أربع بنات .. "الحلقة الحادية عشرة : الاعتراف "

بيقولو اجمل فترات الحب هية الفترة اللي قبل الاعتراف بية.. فترة التلميحات والاستهبال بيكون فيها الاحساس عالي قوي .. لان العيون هية اللي بتتكلم وبتقول اللي اللسان مش بيقدر يقوله...لأول مرة من 5 سنين "حسام" يلاقي احساس جديد واصللو من "ندي" مبقاش مصدق نفسة...ولا مصدق ان دي "ندي"

نظرت عنيها اتغيرت وطريقة كلامها..حتي بوستاتها ع الفيس حاسس ان بقت رومانسية شوية اليومين دول !!

بس رومانسية معذبة شوية J كلها قلق وغيرة ... بصراحة تغير معاملتها دة خلاه ساق فيها ومرضيش يقوللها انة اعتذر لاهل العروسة اللي كان شافها...كان حابب يشوف لهفتها عليه اللي هوة نفسة مكانش متخيلها!! وضحك وقال لنفسة(( ياريتك يا حس سمعت كلام الحجة من زمان وشفت عروسة وقلت لندي انك هتوافق )) بس عموما كل شيء بأوان ولة وقت محدد ,, فضل معاها ع الحال دة حوالي شهر.. بس بصراحة مبقاش قادر يسكت اكتر من كدة,,كفاية ال5 سنين اللي ضاعوا وهوة مش ناوي يضيع وقت اكتر من كدة عشان كدة في اول فرصة لازم يعترفلها..........بس مكانش عارف يعمل اية ففكر في فكرة كدة  بس كانت فكرة مجنونة شوية وكان محتاج مساعدة بس مين احسن حد ممكن يساعدة؟؟؟؟

طبعا مفيش غير "ليلي " بما انها اكتر حد من اصحاب "ندي" ممكن يقدر يتكلم معاه وعلاقتة بيها كويسة جدا...لقي نفسة بيتصل بيها عشان يقابلها ... وفعلا حدد معاها معاد وراح قابلها تاني يوم....

حسام : سوري يا ليلي لخبطلك مواعيدك

ليلي : لا خالص مفيش لخبطة ولا حاجة بالعكس انا فرحانة

انك قررت تتكلم معايا ووثقت فيا

حسام : كدة انتي وفرتي عليا كتير J

ليلي : مش محتاجة ذكاء يا حسام ,, اكيد الموضوع لة علاقة بندي

حسام : اكيد . بصي يا ليلي انا مش بحب المقدمات بصراحة من الاخر كدة

انا بحب ندي من 5 سنين ويمكن من اول مرة شوفتها فيها واكيد كلكو حاسين بكدة..

بس بصراحة الفترة الاخيرة حسيت ان ندي متغيرة كدة و حاسس ان في مشاعر جواها ليا

كنت عاوز اتاكد منك بس قبل م اتكلم معاها . انتي اقرب حد ليها واكيد اتكلمت معاكي انتي وهند وريم

ليلي : بصراحة هية اتكلمت يا حسام ومش قادرة اقوللك انا نفسي متفاجئة بيها J

حسام : ازاي؟؟

ليلي : بص انا من زمان حاسة انها بتحبك بس يمكن هية مش حاسة .. ولما

حست انك هتضيع منها حست و فكرت وعرفت حقيقة مشاعرها...واتأكدت منها

ساعات الحب بيكون قدامنا ياحسام ومش بنكون شايفينة...

حسام : يعني انتي شايفة ان دة الوقت المناسب ؟؟

ليلي : ايوة طبعا .. متقلقش دوووس

حسام : تمام جداااااا بس محتاج مساعدتك بقي لاني

بفكر في فكرة مجنونة كدة

ليلي : هههههههههه معاك طبعا

وتاني يوم الصبح J........

حسام : صباح الخير يا نودي

ندي :  صباح النور

حسام : باركيييييلي

ندي : مبروك يا حس .. خلاص نويت

حسام : ان شاء الله والنهاردة ان شا ءالله هعزم كل اصحابي بقي عشان اعرفكو عليها

وطبعا انتي اولهم يا نودي .. اوعي تتأخري .. هبقي اكلمك اقوللك امتي وفين ان شاء الله

ندي : اوك ان شاء الله اكون موجودة

رد الفعل الوحيد اللي "ندي" أخدتة انها فضلت ساكتة خالص منطقتش بكلمة وفضلت مش مركزة خالص

في الشغل.. ومنعت دموعها بالعافية انها تنزل ..ولأول مرة تحس بالخنقة والحزن للدرجة دي..لدرجة هية نفسها مستغرباها !!!

كملت اليوم في البنك بالعافية وخدت نفسها ومشيت بسرعة ووقفت تعيط في عربيتها ولما هديت شوية اتصلت ب "ليلي" عشان تحكيلها .........

ندي : الو ايوة يا ليلي. ازيك

ليلي : الحمد لله يا نودي . اية مال صوتك وحش كدة ؟

ندي : مخنوقة قوي يا ليلي..فاضية اتكلم معاكي ولا وراكي شغل؟؟

ليلي: لا فاضية قدامي ساعة كدة وادخل العمليات ,, مالك يا نودي ؟؟

ندي : حسام خلاص هيخطب ودة كلام sure

وكمان النهردة عامل عزومة لكل اصحابة عشان يعرفهم عليها وانا كمان معزومة ,, اعمل اية.؟؟

ليلي : هتعملي اية يا نودي . هتروحي طبعا وتباركيله كمان

ندي : حاسة اني مخنوقة جدا ,, انا بجد حمارة معقول كان قدامي كل دة وانا مكنتش حاسة اني بحبة؟؟

ليلي : خلاص بقي يا نودي هتعملي اية ,, معلش يا baby بس بجد لازم تروحي

وتبقي مبسوطة وcute  عشان محدش يحس بحاجة والبسي احلي حاجة عندك ,, اوعي يا نودي

يبان عليكي الزعل

ندي : مش عارفة يا ليلي ربنا يستر بقي انا مقفولة موت

ليلي : معلش يا قمر,, ربنا معاكي وانا هبقي اطمن عليكي . اوك؟؟

ندي : اوك يا حبيبي,, ادعيلي بليز ...

وفعلا...."ندي" لبست اجمل لبس عندها وظبطت نفسها وكانت زي القمر كالعادة...بس نظرة الحزن اللي في عنيها زودت جمالها اكتر واكتر.....

لما وصلت المكان اللي متفقين علية  اتفاجئت من اللي شافتة...ورد احمر من اللي بتموت فية..شمع كتير..

بالونات هيليوم قلوب... أغانيbrian adams  اللي بتحبه.. بس كان فية مفاجأة تانية خالص مكانتش علي بالها ....

وفعلا...."ندي" لبست اجمل لبس عندها وظبطت نفسها وكانت زي القمر كالعادة...بس نظرة الحزن اللي في عنيها زودت جمالها اكتر واكتر.....

لما وصلت المكان اللي متفقين علية  اتفاجئت من اللي شافتة...ورد احمر من اللي بتموت فية..شمع كتير..

بالونات هيليوم قلوب... أغانيbrian adams  اللي بتحبه.. بس كان فية مفاجأة تانية خالص مكانتش علي بالها ....

ندي : اية دة ؟؟!! ليلي؟؟!! وهند كمان؟؟!!

انتو اتعزمتو؟؟

هند : ايوة حسام عزمنا

ندي : مانا مكلماكي يا ليلي !! ازاي متقوليليش ؟؟!!

ليلي : عادي اصل حسام كلمني بعد ماقفلت معاكي وبعدين

دخلت العمليات عشان حاله ولادة ومالحقتش اكلمك!!!

ندي : ياسلااااااام دة اية دة بقي ,, انتي بتحوري ياليلي؟؟

هند : اة بتحور

ندي : بجد مش بهزر انتو قفلتوني جدا

ليلي : خلاص بقي يا ندي كبري دماغك....

ندي : وفين حسام وباقي الناس؟؟

هند : زمانهم جايين

ليلي : اهو حسام جة اهوة,, هوة والمزة

ندي : دي مش هية .. دي نرمين اختة

واللي معاهم دة مصطفي جوزها

هند: مممممممم اومال فين العروسة

ليلي: اية دة بصو مين جة كمان

ندي : مين؟؟

ليلي : دينا ومحمد و هشام وطارق و يوستينا زمايلكو في البنك

ندي : ايوة ماهوة عازمهم كلهم

هند : طب فين المزة بقي . عاوزين ناكل انا جعانة انا وابني الغلبان دة

ليلي : يخربيت الفجع يا شيخة . ارحمي شوية

هند : مش هناكل يعني..مش هنطلع باي مصلحة لامؤخذة ؟؟

ندي : بس عشان هنسلم ع الناس بقي

الف مبروك يا حسام,,,,

حسام: الله يبارك فيكي يا نودي

ليلي : اومال فين العروسة يا حس ؟؟

حسام : ماهي واقفة جمبك اهية يا لولا ولابسة اسود

ليلي : فكك منها يابني دي مودها وحش اخر حاجة ومقفولة من

الصبح ,, تعالي نشوف واحدة تانية بتضحك

هند : فعلا دي رخمة رخامة السنيييييين ياساااتر

ندي : هوة فية اية ؟؟ انتو بتقولو اية؟؟

حسام : بيقولو اني بحبك وبموت فيكي وبقالك 5 سنين

مطلعة عيني...

ندي : حسام ... أأنا... أنت قلت اية؟؟

حسام : قلت بحبك وبموت فيكي ونفسي اكمل معاكي عمري كلة..ممكن؟؟

ندي : مش عارفة اقوللك اية ..انت فظيع مش ممكن!!

نرمين : متعيطيش بقي يا خطيبة اخويا,,ايوة بقي J

اخيييييييييرا هنفرح فيكو

ندي : انت احلي حاجة حصلتلي في حياتي بجد...

حسام : وانتي حياتي كلها ..بجد

من سنين كتييييير قوي ماحصلتش حاجة تفرحهم كدة,, خطوبة حسام وندي جات تفرح قلوبهم كلهم...زي نسمة هوا حلوة في يوم حر  ...وبدون مبالغة.. فرحتهم ب ندي يمكن كانت اكبر من فرحتها هية شخصيا J وادتلهم امل ان بكرة يمكن يكون احلي...وان ساعات بتحصل مفاجأت حلوة تخلينا ننسي الاحزان والمشاكل الكتير اللي بنقابلها في حياتنا......

((نهاية الحلقة الحادية عشرة))